| ... das Kirwa-Portal im Internet |

|
Kirwa-G'schichten  Erlebnisse ... Scheue unbekannte Dörfer nicht! Wou is´n des Wochenende Kirwa?, will ich von meim Brouda wissn. Er sagt: "Meine Freind hom g´sagt in Schleißdorf!" Wou is´n des?? Mir Zwoa ham koa Ahnung, also gemma zum Papa frong den. Er moant: "Irgendwou bei Freudenberg! Genau woaß I des a net, des werd´s dann scho seng, da wo alle hifoahrn da foahrts Ihr hoit a hintnoch!" OK, also so ungefähr wiss ma ja jezt wo ma hi miassn. I hol no a poar vo meine Freind ab und mei Bruada a, und dann treff ma uns in Schleißdorf. I hob no schnell a Landkoartn ins Auto gschmissn, wenn I mi goar nimma auskenn... Auf alle Fälle samma hoit dann Richtung Freudenberg gfoahrn. Wobei meine Freind im Auto scho gmoant ham, ob denn des scho stimmt, Sie moana des is irgendwo bei Süß! Also, hob i mei Handy rauszogn und mein Bruada ogruaffn. Er und seine Leid warn sich total sicher, mir san scho richtig. Dann hob I doch mei Landkartn rauszogn, aber Schleißdorf is da gar net drin!!! Um des Kaff war dann a oanzige Baustell und auskennt hab I mi nimma! Deswegn hab I wieder mein Bruada ogruaffn, aber der hoat a nimma gwußt ob ma da richtig san! Und wenn ma des Kaff net bald findn, dann fahr ma wo anders hi! Irgendann hab I dann die richtige Umleitungsstrecke gfundn, und mir san doch no auf die Kirwa koumma! Alle Andern hamms a gfundn, und es war a rechte Gaudi! Die Moral von der Geschicht: "Scheuhe unbekannte Dörfer nicht!" 10.04.01, Christina Meier, Stockau |

|
| kirwa.net - Willkommen im Kirwaportal! |
|